- Wargelin: Kitaabka Sunanu Abii Daa,uud oo uu Aqrinayo Sh.Cali Cismaan Ugaas Ayaa lasoo geliyay websiteka ka faa,iideeysi Wacan.
- Ogeysiis: Dhammaan walaalaha waxaa lagu wargelinayaa in aan soo kordhinay Android app aad ka dhagaysan kartaan Duruusta ku jirta Websiteka. hadaba si aad ula soo dagto kuqor play Storeka Sunnaweb.
- Wargelin: Kitaabka Minhaajka oo uu Aqrinayo Sh.Maxamud Cali Wacays Ayaa lasoo geliyay websiteka ka faa,iideeysi Wacan.
Munaasabada Mowlidka Nabiga NNK oo lagu qabtay Guriceel
Munaasabad lagu weynaynayo xuska dhalashada Nabigeenna Muxammed (NNKH) ayaa maanta lagu qabtay deegaanka Guriceel ee gobolka Galgaduud.
Xuska waxaa qaban qaabiyay culimaa’uddiinka Ahlu Sunna Waljamaaca waxaana ka qayb galay bulshada ku nool Guriceel.
Ka qeyb galayaasha munaasabadda ayaa socod ku soo maray waddooyinka Guriceel, iyagoo ku labbisan dhar qurux badan oo ay ku xardhanaayeen erayo lagu muujinayay weyneynta maalinta dhalashada Nebiga (NNKH).
Culimaa’uddiin ay ka mid ahaayeen Sheekh Maxamed Jaamac Yare iyo Sheekh Maxamed Cali Xasan ayaa la hadlay dadweynaha ka qeyb galay xuska, waxayna ka sheekeeyeen taariikhdii Nebiga iyo dedaalkii uu u galay fidinta diinta Islaamka.
Sidoo kale Sheekh Maxamed Shaakir oo isna ka hadlay munaasabadda ayaa u soo jeediyay shacabka gobollada dhexe in ay carruurtooda baraan diinta iyo qiimaha xuska dhalashada Nebiga (NNKH).
Munaasabada Mowlidka Nabiga NNK oo lagu qabtay Guriceel